Lèxi e nòtete inte sta mariègoƚa:
Sta scritura ƚa xé in variansa de teraferma; savemo che ƚa xé acesìbiƚe a tuti i parlanti de altre varianse.

Benvignù/a!
Notàndote a sto galepin social (in sèguito "GS"), un sistèma de archiviasion e condivixion de dati so 'l lèsico vèneto, te gà da saver che te sì òspite de na strutura privata (ƚa no-profit "el Galepin", dom. elgalepin.com/.org/.info parte de "Veneto-org" non profit) e te gà da rispetar poche ma fondamentaƚe riègoƚe de condota.

Profiƚo personal
El to nòme e cognòme no 'l vegnarà publicà so 'l GS né destribuìo a altri, a manco che ti steso no te ƚi dòpari fà "nòme de autor" (pseudònimo); el to indriso de email no'l vegnarà mai difuxo in nisuna manièra, anca se te consenti el contato email da parte de i vixitadori de 'l GS; te podarà aver un "nòme de autor" (publicà so ƚe schède de 'l GS) personal e unìvoco, co' cui te sarà identifegà inte 'l GS. Co' el to "nòme autor" e ƚa to "password" te podarà intrar inte 'l to spasio personal par inserir resorse, modifegarle, canbiar i dati de 'l to profiƚo e altro. Na vòlta asegnà, el to "Nòme Autor" no'l podarà mai ser modifegà in futuro, e el restarà ligà par senpre co' ƚe resorse tacàe (a manco che no te ƚe scancèƚi). Te sì tì personalmente el gestor de i to dati personaƚi. I gestori de "el Galepin" no i podarà mai gestir i dati de 'l to profiƚo sensa el to consenso, ma el se risèrva el derito de scanseƚar un utente e/o resorsa sensa preavixo e co' decixion autònoma, siando in posesion de i deriti so 'l material inserìo so i so server.

Dati pùblici

Se pol:
Archiviar e mostrar videi, someje, sonòri, tèsti, o autoprodoti o disponìbiƚi so 'l web (inte 'l dominio pùblico), faxéndose anca reclan personal anca come profesionista/axienda, o a ƚa pròpia o altrui sociasion, scòƚa, paròchia, fraja, fradèrnida, fameja, fondasion, mariègoƚa, sércoƚo, paexe, contrada, condominio... Xé consentìo anca de tacar publicità axiendal, ma nòma che drio consenso de "el Galepin", che el gavarà da vaƚutar ƚa oportunità caxo par caxo.

No se pol:
Xé proibìo de tacar materiaƚi ofensivi de ƚa Reƚigion, de ƚa moral, o inte i confronti de persone spesìfeghe cualsesipia. No se pol doparar el sistèma par citar esplicitamente o inplicitamente, o métar in reƚasion traèrso link o altri mòdi, partiti democràteghi, ministrasion gestìe da i stesi, sociasion segrète o pùbliche de ispirasion marsona o democratista, o altre struture simiƚari.

Ƚe resorse inserìe inte 'l GS ƚe sarà senpre disponìbiƚi par tuti i utenti, par archiviasion personal o online, par condivixion via email o "social network".

Fin de ƚa mariègoƚa.

Co te sarà indrento el to spasio personal
te catarà ƚe istrusion par doparar el GS.

Nòrme de armonexasion e bona creansa:
Scrivi co' ƚa to lengua local e in grafìa unidaria, da mòdo che tuti i pòse lèxar ƚa to lengua, e nò interpretarla co' ƚa sua. Ƚa comunità de ƚa existe par dar asistensa in tute ƚe manière che se pol.
Xé bona nòrma (ma se capise che te piaxarà mèjo anca a ti) de rispetar un poca de "preformatasion" in manièra che i dati i sipia a despoxision de tuti pì guaƚivamente, e indrento el to spasio te catarà istrusion exauriente (serchemo senpre de darle in formato video, par réndarle pì ladine). Tien conto che te sì drio propóner, prexentar, consejarghe de vardar calcòsa a altri utenti.

Tuto ciò el xé manco òstrego de cuel che te pensi, pì fàsiƚe da far che da dir.

Òro, vero? E ƚora nòtete in mariègoƚa

Par notarte a 'l GS, contata deƚongo ƚa redasion de "el Galepin"